Hapësire reklamuese

Bota

Gjermania e shqetësuar për sigurinë, ministrja Faezer: Rrezik nga agjentët e huaja

Shkruar nga Newsbomb
Gjermania e shqetësuar për sigurinë, ministrja Faezer: Rrezik nga
Qeveria gjermane

Situata e sigurisë në Gjermani mbetet e “tensionuar”. Nensi Faezer nga min istria e brendshme deklaroi në një konferencë shtypi në Berlin se masat për të asgjësuar sulmet e brendshme dhe të jashtme politike janë përforcuar. 

 “Rusia, Kina dhe Irani në veçanti përdorin shërbimet e inteligjencës për spiunazh në dëm të Gjermanisë. Në këtë aspekt, ka përpjekje për të influencuar shtetet demokratike përmes propagandës, gënjeshtrave dhe keqinformimit, që nxisin urrejtjen. Gjithashtu ka përpjekje për të monitoruar dhe përndjekur figura të opozitës që jetojnë këtu”,-tha Nancy Faeser, ministre e Brendshme e Gjermanisë.

Ndërsa kreu i Zyrës Federale Gjermane për Mbrojtjen e Kushtetutës e vuri theksin tek krimet në rritje të subjekteve ekstremiste të djathta e të majta.

 “Aktivitetet e organizuara nga e ashtuquajtura e Djathta e Re vijojnë të rriten. Rëndësia e këtyre aktorëve për strukturën e brendshme të së djathtës ekstreme po rritet dhe rreziqet që vijnë nga ekstremistët e dhunshëm të majtë mbeten po ashtu të larta. Kjo tregohet nga sulmet brutale dhe të planifikuara ndaj rivalëve politikë, ndaj policisë, bizneseve dhe infrastrukturës kritike”,- tha Thomas Haldenwang, shef i shërbimit për sigurinë e brendshme.

Alarmi vjen kur tre individë në Mynih do të dalin në gjykatë për herë të parë për përfshirje në komplot për të rrëzuar qeverinë gjermane.

Treshja është pjesë e një grupi prej 26 anëtarësh të së djathtës ekstreme që akuzohen për planifikim për bastisjen e parlamentit dhe arrestimin e ligjvënësve.

Sondazh

Poll

Lexo gjithashtu

Hapësire reklamuese