Mijëra refugjatë po kthehen në Damask, pas rënies së regjimit të Asadit. Euforia në vend pas zhvillimeve të stuhishme të fundjavës është e dukshme. Po aq të dukshme janë radhët e makinave që kthehen në Damask.
Videot nga Anadolu dhe burime të tjera tregojnë mijëra makina që bllokojnë rrugët që të çojnë në kryeqytet gjatë natës. Numri i sirianëve që kthehen nga Turqia në vendlindje është i madh, raporton TRT.
Në pikat kufitare ka mbipopullim, ndërkohë që është dashur të krijohet një pikë e re kontrolli nga autoritetet turke për të menaxhuar flukset.
Që dje, emigrantët, të veshur me pallto dhe batanije, u vendosën pranë portës në pritje për të kaluar në Siri. Disa u ngrohën nga zjarret e improvizuara, ndërsa të tjerët mbetën në të ftohtë. Pas kontrolleve në pikën e caktuar, sirianët e konsideruar të përshtatshëm për kalim janë drejtuar në portën kufitare. Shumë prej tyre u është dashur të kërkojnë strehim në Turqi që nga viti 2011 dhe tani duan të kthehen në shtëpitë e tyre.
Sondazh
Lexo gjithashtu
