Blogeri i njohur nga Dubai, Rogerio Guia është gjobitur me 1800 euro nga autoritetet italiane për hyrjen dhe fotografimin pa leje në plazhin e mbrojtur Spiaggia Rosa ose Pink Beach në Sardenjë.
Sipas The Guardian, pasi ka hyrë në plazh blogeri ka bërë foto dhe video të plazhit duke ecur mbi rërën rozë, përmbajtjen e të cilit i ka publikuar në rrjete sociale, duke injoruar në këtë mënyrë shenjat paralajmëruese për ndalimin e hyrjes në këtë ishull si dhe vizitën pa marrë leje brenda tij.
Njerëzit në Sardenjë vunë re postimet e tij dhe e raportuan atë. Zyrtarët e identifikuan shpejt blogerin dhe e gjobitën atë, 300 euro për shkeljen e urdhërit të ndalimit dhe 1,300 euro për mbërritjen në ishull me varkë pa leje. Blogeri Rogerio ka mbyllur përfundimisht profilin e tij në rrjetin social, Instagram.
Spiaggia Rosa konsiderohet si një nga destinacionet më të bukura në botë, e quajtur pas rërës së saj rozë. Shumë vizitorë e morën atë rërë me vete dhe rrezikuan plazhin, ndaj kjo zonë u bë pjesë e një rezervati të mbrojtur në vitin 1998.
Plazhi ndodhet brenda Parkut Kombëtar të Archipelago La Maddalena, dhe është i mundur të shihet vetëm gjatë një udhëtimi me varkë.
Për ata që vendosin të thyejnë rregullat, si blogeri Rogeria, do të marrin një gjobë prej 300 deri në 3500 euro.
Sondazh
Lexo gjithashtu
