Asambleja e Përgjithshme e 79-të e OKB-së filloi zyrtarisht të martën, duke mbledhur së bashku udhëheqës dhe përfaqësues të nivelit të lartë nga vendet anëtare për një javë në Nju Jork.
Sesioni filloi nën udhëheqjen e Presidentit të Asamblesë së Përgjithshme Philemon Yong nga Kameruni dhe një fjalim hapjeje nga Sekretari i Përgjithshëm Antonio Guterres. Turqia përfaqësohet nga Presidenti Rexhep Tajip Erdogan, i cili është planifikuar të mbajë fjalimin e tij të martën si folësi i tretë.
Erdogan pritet të tërheqë vëmendjen për situatën në Rripin e Gazës. Ai gjithashtu pritet të nxisë vendet anëtare që të qëndrojnë kundër sulmeve të Izraelit.
Zyra e zëdhënëses së OKB-së njoftoi se në Asamblenë e Përgjithshme, e cila do të zhvillohet nga data 24-30 shtator, do të marrin pjesë 76 krerë shtetesh, katër princa, dy krerë qeverish, 42 zëvendëskryeministra, nëntë ministra, 54 zëvendësministra dhe një delegacion i BE-së.
Veçanërisht, vetëm 19 pjesëmarrëse janë gra.
Sondazh
Lexo gjithashtu
