Të gjitha rrjetet kryesore celulare u ndërprenë në Spanjë të martën, vetëm disa javë pasi vendi evropian u godit nga një ndërprerje kombëtare e energjisë elektrike.
Rrjetet e prekura përfshinin Movistar, Orange, Vodafone, Digimobil dhe O2. Ndërprerjet prekën të gjitha shërbimet e kontraktuara nga kompanitë. Ankesat u rritën ndërsa shërbimet e telefonisë fikse, internetit dhe të kontaktit të emergjencës u ndërprenë herët të martën në mëngjes.
Zonat e prekura shtriheshin në të gjithë Spanjën, nga Madridi, Andalusia, Galicia, Vendi Bask, Aragona, Navarra, Ekstremadura dhe Komuniteti Valencian.
Sipas raportimeve në median spanjolle, rrjetet e kontraktuara me Telefónica duket se janë goditur dhe ndërprerjet nuk duket se po ndikojnë në aksesin e individëve në rrjet. Telefonica tha se janë kryer 'puna për përmirësimin e rrjetit', duke ndikuar në 'shërbime specifike' në të gjithë vendin.
“Kemi kryer disa përditësime të rrjetit që kanë ndikuar në shërbime specifike të disa kompanive. Po punojmë për të zgjidhur problemin”, tha një zëdhënës i kompanisë.
Ndërprerja e komunikimit vjen vetëm disa javë pas një ndërprerjeje të energjisë elektrike që preku Gadishullin Iberik.
Sondazh
Lexo gjithashtu
