Në seancën e fundit plenare të Parlamentit Evropian, eurodeputetët kanë kërkuar që të sekuestrohen asetet e ngrira ruse për të mbështetur Ukrainën, pasi sipas tyre planet e ndihmës të ndërrmarra nuk do jenë të mjaftueshme.
“Evropa duhet të kapë të gjitha asetet themelore të Rusisë dhe duhet ta bëjë këtë tani, pasi Ukrainës mund t’i mbarojnë paratë”,- tha Włodzimierz Cimoszewicz (Poloni/Socialistët dhe Demokratët).
Atij i është bashkuar e gjithë ndarja politike nga ligjvënësit që mendojnë se masat ekzistuese, të propozuara nga Komisioni Evropian në mars dhe që aktualisht po shqyrtohen nga anëtarët e BE-së, nuk shkojnë aq larg sa duhet.
“Çdo ditë sjell dëme të reja në Ukrainë”, tha Andrius Kubilius (Lituani/Partia Popullore Evropiane), teksa shtuoi se “Rusia duhet të paguajë”.
Pjesa më e madhe e aseteve ekstraterritoriale ruse, rreth 210 miliardë euro, mbahen brenda BE-së, kryesisht në depozitimin e Euroclear në Belgjikë.
Shefi i politikës së jashtme të BE-së Josep Borrell ka argumentuar se blloku duhet të jetë në gjendje të përfitojë nga pronat e Rusisë në mënyrë që Ukraina të mund të mbrohet, në vend që të përdorë asetet e shpronësuara vetëm për të financuar rindërtimin.
Vendet e BE-së tashmë po diskutojnë planet për të ofruar një paketë ndihme me vlerë rreth 3 miliardë euro në vit për Ukrainën duke përdorur interesin nga kapitali i mbajtur brenda bllokut nga banka qendrore ruse.
Kujtojmë se dhoma e Përfaqësuesve e SHBA-së ka miratuar një projekt-ligj të ri ndihme, i cili do të ofrojë 61 miliardë dollarë shtesë në mbështetje për Ukrainën.
Paketa e ndihmës kishte ngecur në Kongres që nga vjeshta e kaluar për shkak të shqetësimeve të republikanëve se Uashingtonit i mungonte një strategji ose për fitore ose për një zgjidhje paqeje.
Sondazh
Lexo gjithashtu
