Policia e Amsterdamit ka dalë me një njoftim zyrtar lidhur me ngjarjen e ndodhu mbrëmjen e së enjtes ku tifozët izraelitë të Maccabi Tel Aviv u dhunuan brutalisht. Autoritetet bëjnë me dije se lidhur me këtë ngjarje janë arrestuar 62 persona, ndërkohë hetimet po vijojnë nëse si pasojë e këtyre përleshjeve kemi pengje apo jo.
“Në rrjetet sociale ka raportime të ndryshme për ngjarjet e mbrëmshme në Amsterdam. Policia ka nisur një hetim të madh për disa incidente të dhunshme. Deri më tani mësohet se janë dërguar në spital pesë persona dhe janë arrestuar 62 persona. Policia është në dijeni të raporteve për një situatë pengjesh të mundshme dhe persona të zhdukur, por aktualisht nuk ka asnjë konfirmim që një të tillë ka ndodhur. Edhe ky aspekt është nën hetim”, bënë me dije autoritetet holandeze.
Po hetohet edhe roli i taksistëve përleshjen e ndodhur një natë më parë!
Ndërkohë, policia holandeze po heton raportet se shoferët e taksive të Amsterdamit "luanin një rol të rëndësishëm në rrahjen e tifozëve izraelitë". Sipas një zëdhënësi, policia nuk e ka vërtetuar ende, mirëpo nga të dhënat e bëra me dije deri më tani rezulton se shoferët e taksive kanë pasur “gisht” në këtë ngjarje.
Sondazh
Lexo gjithashtu
