Disa ditë pas mbajtjes së Eurovision 2024 ku fitues i këtij edicioni të 68-të u shpall konkurrenti i Zvicrës, Nemo me këngën “The Code”, ka reaguar presidenti turk Rexhep Tajip Erdogan.
Presidenti turk Rexhep Tajip Erdogan ka kritikuar ashpër Konkursin e Këngës në Eurovizion, duke thënë se ngjarja muzikore “inkurajon neutralizimin gjinor” dhe kërcënon familjen tradicionale.
Në një fjalim pas mbledhjes së kabinetit, Erdogan i përshkroi garuesit si “kuajt trojanë të korrupsionit social” dhe tha se qeveria e tij kishte të drejtë që e mbajti Turqinë jashtë garës muzikore pan-evropiane në vitin 2012.
“Është bërë e pamundur të takosh një person normal në ngjarje si Eurovision”, - tha Erdogan i cili është kryetari i Partisë për Drejtësi dhe Zhvillim në pushtet, e të cilit nuk është tolerante ndaj të drejtave LGBTQ.
Kritikat e Erdoganit erdhën pasi këngëtari zviceran Nemo në garë u identifikua si jo-binar dhe konsiderohet “një strehë e sigurt për anëtarët e komunitetit LGBT“.
Edhe Zvicra nuk e lejon një gjini të tretë duke qenë ligjërisht kundër komunitetit LGBTQ.
Rreth 18 muaj më parë, qeveria zvicerane hodhi poshtë propozimet për të futur një opsion të tretë gjinor ose pa gjini në të dhënat zyrtare, duke argumentuar se modeli binar i gjinisë vazhdoi të ishte “i ankoruar fuqishëm” në shoqërinë zvicerane.
Sondazh
Lexo gjithashtu
