Presidenti francez, Emmanuel Macron, shprehu dëshirën e tij për të emëruar një kryeministër të ri “brenda 48 orëve”.
Këtë të martë prsidenti francez mblodhi rreth tryezës liderët e partive politike, duke përjashtuar partinë Tubimin Kombëtar të Le Pen dhe Francën e Pavarur (LFI) të Mélenchon , në përpjekje për të hapur rrugën për zgjedhjen e një personi të aftë për postin e kryeministrit.
Javën e kaluar, në fjalimin e tij, Macron pretendoi se pas dorëheqjes së Barnier do të formonte një qeveri për interesin e përgjithshëm “e cila do të përfaqësojë të gjitha forcat politike të një harku qeveritar që mund të marrin pjesë në të".
Në të njëjtën kohë, ai argumentoi se fraksionet e Mélenchon dhe Le Pen "mendojnë në mënyrë cinike për zgjedhjet e ardhshme presidenciale dhe jo për popullin e Francës", duke nënkuptuar se ata kërkojnë ta "shfronizojnë " atë nga Pallati Elysee.
Duke hedhur më pas poshtë mundësinë e dorëheqjes nga detyra.
“Do ta ushtroj mandatin deri në fund”, theksoi ai.
Sondazh
Lexo gjithashtu
