CEO i Tesla, Elon Musk është bërë personi i parë që ka një vlerë neto prej 400 miliardë dollarësh.
Pasuria e Musk, e cila u llogarit për herë të fundit në 384 miliardë dollarë nga Indeksi i Miliarderëve të Bloomberg, u rrit pas një shitjeje të brendshme të aksioneve të SpaceX, kompanisë së eksplorimit të hapësirës që ai themeloi. Sipas Bloomberg, shitja e rriti vlerën neto të Musk me rreth 50 miliardë dollarë, duke e çuar pasurinë e tij aktuale neto në 429.2 miliardë dollarë.
Personi i dytë më i pasur në botë, Jeff Bezos, ka një pasuri prej 244 miliardë dollarësh. Pasuria e Musk është rritur që nga zgjedhjet presidenciale të 5 nëntorit, me fitoren e Presidentit të zgjedhur Donald Trump që ndihmoi në rritjen e pasurisë së njeriut që qëndroi pas tij dhe e mbështeti gjatë gjithë fushatës.
Kjo sepse aksionerët e Tesla besojnë se vendimi i Musk për të shpenzuar miliona për kandidaturën e Trump do të korrë dividentë përmes politikave federale që mund të ndihmojnë prodhuesin e automjeteve elektrike.
Nga vjen pasuria e Musk?
Që nga zgjedhjet, aksionet e Tesla janë rritur pothuajse 70%, duke e rritur vlerën e aksioneve të tij në rreth 165 miliardë dollarë.
Aksionet e tij në xAI, kompania e tij e inteligjencës artificiale, vlen rreth 25 miliardë dollarë, ndërsa pronat e tij në SpaceX ishin rreth 82 miliardë dollarë përpara shitjes private. Pronat e tjera të tij përfshijnë X, aplikacionin e mediave sociale dhe Boring Company.
Ndërkohë, Musk do të mbajë një pozicion kyç si bashkëdrejtues i Departamentit të sapokrijuar të Efikasitetit të Qeverisë të administratës Trump . Pavarësisht emrit, grupi nuk është një departament zyrtar qeveritar, megjithëse planifikon të japë rekomandime për uljen e shpenzimeve federale.
Sondazh
Lexo gjithashtu
