Presidenti i sapozgjedhur Donald Trump ka njoftuar se do të emërojë një nga avokatët e tij mbrojtës në çështjen e parave në Nju Jork si këshilltar të presidentit, Alina Habba, 40 vjeç, mbrojti Trump në fillim të këtij viti, duke shërbyer gjithashtu si zëdhënësja e tij ligjore. Habba ka kaluar kohë me presidentin e zgjedhur që nga zgjedhjet në klubin e tij në Florida, Mar-a-Lago.
“Ajo ka qenë e palëkundur në besnikërinë e saj dhe e pakrahasueshme në vendosmërinë e saj, duke qëndruar me mua gjatë ‘gjyqeve’ të shumta, betejave dhe ditëve të panumërta në gjykatë”, postoi Trump në rrjetin e tij social Truth Social.
Trump u bë ish-presidenti i parë amerikan që u dënua për krime të rënda kur një juri e Nju Jorkut në maj e shpalli atë fajtor për të gjitha 34 akuzat në një skemë për të ndikuar ilegalisht në zgjedhjet e 2016.
Në mandatin e parë të Trump, postin e këshilltarit e mbante strategja republikane Kellyanne Conway. Habba ka prejardhje irakiane dhe është kaldease, e cila është emërtimi më i madh i krishterë në Irak dhe një nga ritet lindore të kishës katolike.
Habba e shoqëronte shpesh Trumpin në fushata dhe ishte një nga folëset në mitingun e fundit të tetorit në Madison Square Garden të Nju Jorkut.
Sondazh
Lexo gjithashtu
