Të martën mbrëma, dronët rusë goditën qytetet ukrainase të Kharkivit dhe Dnipros, duke shkaktuar viktima dhe dëme të mëdha. Nga sulmet mbeti i vrarë një person dhe u plagosën të paktën 38 të tjerë.
Në Kharkiv, qyteti i dytë më i madh i Ukrainës në verilindje dhe një objektiv i shpeshtë i sulmeve ajrore, guvernatori rajonal Oleh Syniehubov raportoi se 38 persona u plagosën, përfshirë edhe dy fëmijë. Ndërkohë, kryebashkiaku Ihor Terekhov deklaroi se numri i të plagosurve ka arritur në 39.
"Ka pasur 16 sulme në Kharkiv," shkroi Terekhov në Telegram. "Një bllok apartamentesh shumëkatësh u godit, si dhe shtëpi private, një strukturë mjekësore dhe infrastrukturë civile."
Edhe në Dnipro, në juglindje të vendit, sulmet me drone shkaktuan zjarre dhe i morën jetën një personi, tha në Telegram Serhiy Lysak, guvernator i rajonit të Dnipropetrovskit.
Të dy qytetet vazhdojnë të jenë objektiva të rregullta të ushtrisë ruse në luftën që ka hyrë në vitin e saj të katërt.
Sondazh
Lexo gjithashtu
