Vladimir Putin ka të ngjarë të refuzojë planin e paqes të propozuar nga Keith Kellogg, i dërguari special i Donald Trump për Ukrainën.
Lajmin e ka bërë me dije oligarku rus Konstantin Malofeyev për Financial Times, disa ditë pasi CNN raportoi një plan të mundshëm paqeje.
Malofeev duket i sigurt se Putini nuk do ta pranojë planin e Trump dhe madje e përshkruan procesin e refuzimit në një mënyrë jo shumë etike: “Kellogg vjen në Moskë me planin e tij, ne e pranojmë dhe pastaj i themi të shkojë në…, sepse nuk na pëlqen asgjë. Kjo do të ishte e gjithë marrëveshja”, tha Malofeev në një intervistë nga një resort luksoz në Dubai.
“Që bisedimet të jenë konstruktive, ne duhet të flasim jo për të ardhmen e Ukrainës, por për të ardhmen e Evropës dhe botës”, shton ai.
“Moska do ta konsiderojë një marrëveshje paqeje të qëndrueshme vetëm nëse Trump pranon të diskutojë konflikte të tjera globale, duke përfshirë luftën në Lindjen e Mesme”, tha Malofeev.
Malofeyev tha gjithashtu se "Trump mund t'i japë fund konfliktit nëse ai rishikon vendimin e Uashingtonit për përdorimin e armëve me rreze të gjatë nga Ukraina, nëse heq Volodymyr Zelensky nga presidenca dhe më pas pranon të takohet me Putinin dhe të diskutojë të gjitha çështjet e rendit botëror".
Sondazh
Lexo gjithashtu
