Një skenë e pazakontë ndodhi në Dhomën e Deputetëve të Italisë, ku deputeti Riccardo Magi, sekretar i partisë Più Europa, u shfaq i veshur si fantazmë për të protestuar ndaj qëndrimit të shumicës qeverisëse për të mos marrë pjesë në referendumet e planifikuara për datat 8 dhe 9 qershor.
Veshur me një çarçaf të bardhë mbi të cilin ishte shkruar fjala "referendum", Magi ndërhyri në sallën e parlamentit pikërisht në momentin kur po fliste Riccardo Molinari, kreu i grupit parlamentar të Lega-s, gjatë sesionit të pyetjeve drejtuar kryeministres Giorgia Meloni.
Veprimi i tij simbolik kishte për qëllim të denonconte “heshtjen” institucionale dhe politike ndaj referendumit, që sipas tij po injorohet nga qeveria dhe forcat kryesore parlamentare.
Protesta zgjati pak minuta, pasi Presidenti i Dhomës, Lorenzo Fontana, urdhëroi menjëherë largimin e tij nga salla.
Gjatë përjashtimit, Magi i bërtiti kryeministres Meloni: “A ju kujtohet?”, ndërsa ajo e vëzhgonte skenën me një buzëqeshje ironike.
Sondazh
Lexo gjithashtu
