Nuk kanë kaluar as 24 orë nga mbyllja e qendrave të votimit në SHBA, Kamala Harris nuk është shfaqur ende në publik për të pranuar humbjen e saj , por debati brenda demokratëve për arsyet e humbjes ka nisur.
Disa zyrtarë demokratë që morën pjesë në fushatën zgjedhore të Kamala Harris tashmë po “drejtojnë gishtin” nga një person, nga Joe Biden. Ata e fajësojnë presidentin për humbjen e Harris në këto zgjedhje.
CNN raporton se shumë nga stafi i Kamala Harris po fajësojnë vendimin e Joe Biden për të kërkuar rizgjedhjen për një mandat të dytë , në vend që të zbatonte premtimin e tij të fushatës 2020 për të qenë një "president kalimtar".
Sipas demokratëve nëse, Biden do të kishte vendosur të mos kandidonte për president në vitin 2024, do të kishin një betejë mes demokratëve për të zgjedhur kandidatin e ardhshëm .Aq më tepër, do të kishte kohë që kandidati të organizonte dhe të “drejtonte” fushatën e tij.
Vendimi i Biden për të qëndruar në garë megjithë shqetësimet e ngritura nga zyrtarët demokratë dhe për t'u larguar deri vonë në korrik, e la Harrisin pa zgjidhje tjetër veçse të drejtonte një fushatë jashtëzakonisht të shkurtër .
“Harris kishte pak më shumë se 100 ditë, Trump ka qenë në gjurmët e fushatës për vite me radhë. Veç kësaj, kujtojmë se nga debati katastrofik me Donald Trump deri te vendimi për t'u tërhequr nga fushata zgjedhore, për Biden kaloi rreth një muaj”, mësohet të kenë thënë zyrtarët demokratë.
Demokratët nuk patën kurrë një shans për të vendosur, thonë zyrtarët, nëse zëvendëspresidenti ishte kandidati më i fortë për t'iu kundërvënë Trump. Në fund të fundit, sipas fjalëve të zyrtarit, ajo që ndodhi ishte se ishte "fushata e Bidenit me Harrisin në krye, fushata e Bidenit me postera të rinj".
Sondazh
Lexo gjithashtu
