Mark Zuckerberg ka zbuluar se administrata Biden ushtronte presion të vazhdueshëm mbi kompaninë e tij, Meta, për të censuruar postime në Facebook që lidhen me Covid-19 dhe vaksinat.
Në një intervistë në podkastin e Joe Rogan, Zuckerberg tha se punonjësit e tij përballeshin me telefonata të ashpra nga zyrtarët e administratës, të cilët shpeshherë bërtisnin dhe përdornin gjuhë fyese.
Sipas tij, kërkesat për censurë përfshinin edhe postime satirike që administrata i konsideronte të papërshtatshme. “Kemi refuzuar të fshijmë përmbajtje që ishte e bazuar në të vërtetën. Kjo ishte një kërkesë absurde,” tha Zuckerberg. Ai shtoi se pas refuzimit të këtyre kërkesave, Meta u vu në shënjestër të hetimeve nga disa agjenci dhe degë të qeverisë.
“Ata e çuan situatën në ekstrem. Biden madje deklaroi publikisht se ne po dëmtonim njerëzit duke mos respektuar kërkesat e tyre. Më pas filluan një sërë hetimesh të ashpra ndaj nesh. Ishte një përvojë brutale,” përfundoi Zuckerberg.
Sondazh
Lexo gjithashtu
