Pas humbjes së debatit presidencial me performancën e dobët të Presidentiti amerikan Joe Biden, u aludua për një dorëheqje të mundshme nga gara.
Performanca e Biden në debat ngjalli pakënaqësi tek demokratët ku shprehën të zhgënjyer dhe sugjeruan daljen me një kandidat tjetër. Por Biden i ka hedhur poshtë aludimet për dorëheqjen nga gara duke thënë se “Unë nuk kalova një natë të mrekullueshme, por as Trump, Ju premtoj se do t’i fitojmë këto zgjedhje.”
Me këtë deklaratë presidenti i SHBA la të kuptohet se ështëi vendosur në kandidimin dhe fitimin e zgjedhjeve presidenciale 2024.
Ish-kryetarja e Dhomës Demokratike, Nancy Pelosi tha se performanca e debatit të Biden “nuk ishte e shkëlqyer” ndërsa ish-drejtoresha e tij e komunikimit, Kate Bedingfield, e quajti atë “me të vërtetë zhgënjyese”.
Guvernatori demokrat i Nju Xhersit, Phil Murphy, mori pjesë në mbledhjen e fondeve së bashku me Biden dhe Zonjën e Parë – dhe i tha zotit Biden se “ne jemi të gjithë me ju 1000%”.
Votuesit në të gjithë Shtetet e Bashkuara kanë shprehur gjithashtu shqetësime për votimin për secilin nga kandidatët pas debatit të së enjtes.
Një sondazh pas debatit nga sondazhi liberal Data for Progress zbuloi se 62% e votuesve të mundshëm që shikuan ose lexuan rreth debatit thanë se Trump fitoi. Vetëm 30% e të anketuarve thanë se zoti Biden fitoi debatin.
Sondazh
Lexo gjithashtu
