Presidenti Emmanuel Macron emëroi këtë të premte, François Bayrou si kryeministër të ri të Francës.
73-vjeçari Bayrou nuk është një fytyrë e re në skenën politike të vendit, pasi përveç aleatit të ngushtë të Presidentit aktual, ai është një përfaqësues tradicional i hapësirës centriste në Francë dhe një zyrtar me përvojë në Francë dhe Europë.
Në vitin 2017 ai suprizoi jo pak, kur doli i treti me vota në zgjedhjet presidenciale, duke kërcënuar aso kohe socialistët e fuqishëm që pretendonin Presidencën (që u fitua përfundimisht nga Nicolas Sarkozy).
Megjithatë, sipas asaj që mediat vendase raportojë është e paqartë se si 73-vjeçari do të jetë në gjendje të shmangë të njëjtin fat si Barnier, pasi legjislatura e Francës mbetet e ndarë midis tre grupeve, qendra e majtë, qendra e djathta, e djathta ekstreme, që deri më tani kanë treguar pak vullnet për të punuar së bashku.
Sfida e menjëhershme e Bairou do të jetë formimi i një qeverie që nuk do të refuzohet menjëherë nga opozita në Parlament, veçanërisht duke pasur parasysh se nuk ka gjasa të përfshijë ministra nga jashtë koalicionit pro Macron si dhe deputetë konservatorë nga kabineti i mëparshëm.
Pak para se të shpallej emri i kryeministrit të ri, zyrtarë të ekstremit të majtë France Insubordinate nxituan ta përshkruanin Bayrou si një "vazhdim" të makronizmit dhe një zgjedhje që nuk respekton rezultatin e zgjedhjeve të korrikut.
Kush është François Bayrou?
Ai ka qenë Ministër i Arsimit i Francës në tre qeveri të ndryshme të krahut të djathtë, deputet në rajonin e Pyrenees-Atlantiques që nga viti 1986, ish-deputet dhe këshilltar i Presidentit të Parlamentit Evropian, dy herë president i Këshillit të Përgjithshëm të Pyrenees-Atlantiques, një herë këshilltar bashkiak i Pau.
Ai fitoi 18.57% të votave në raundin e parë të zgjedhjeve presidenciale franceze të vitit 2007. Pas zgjedhjeve, ai themeloi një parti të re, partinë centriste MoDem.
-
Macron emëron kryeministrin e ri të Francës
13 Dhjetor, 13:02
Sondazh
Lexo gjithashtu
