Bisedimet mes Ukrainës dhe Rusisë në Stamboll përfunduar me arritjen e marrëveshjes së shkëmbimit të 1.000 të burgosurve, por nuk u arrit ajo e armëpushimit pa kushte.
Përpara takimit të së premtes, pala ukrainase kërkoi një armëpushim pa kushte për të paktën 30 ditë, për të përfunduar shkëmbimin e të gjithë të burgosurve të luftës, për të vijuar më pas me një takim kokë më kokë të presidentëve rus dhe ukrainës, pikë në të cilën priten të fillojnë bisedimet për paqen.
“Pozicioni ynë, nëse rusët refuzojnë një armëpushim të plotë dhe pa kushte dhe një fund të vrasjeve, duhet të pasojnë sanksione të ashpra”, tha Presidenti ukrainas Volodymyr Zelensky në një postim në X pas përfundimit të bisedimeve. “Presioni mbi Rusinë duhet të vazhdojë derisa Rusia të jetë gati t'i japë fund luftës.”
Ndërsa delegacionet po flisnin në Stamboll, mbështetësit evropianë të Ukrainës, shumë prej të cilëve janë në Shqipëri për samitin e Komunitetit Politik Evropian, zhvilluan një telefonatë me Presidentin e SHBA-së Donald Trump.
Më vonë të premten, Presidenti francez Emmanuel Macron tha se Trump planifikonte të zhvillonte telefonata “brenda dy orëve ose dy ditëve të ardhshme” me “palën ruse për të sqaruar se çfarë kishte ndodhur në Stamboll dhe për të ecur përpara”.
Ndërkohë presidenti i SHBA-ve Trump, ditën e bisedimeve u shpreh "asgjë nuk do të ndodhë derisa unë dhe Putini të takohemi".
“Qëndrimi rus është qartësisht i papranueshëm dhe jo për herë të parë, dhe si rezultat i atij takimi me Presidentin Zelensky dhe diskutimit me Presidentin Trump, ne tani po i koordinojmë dhe i koordinojmë nga afër përgjigjet tona”, tha kryeministri britanik Keir Starmer pas telefonatës.
“Rusët në Stamboll de facto i ndërprenë negociatat dhe refuzuan të ndalonin zjarrin”, tha në një deklaratë kryeministri polak Donald Tusk, i cili ishte gjithashtu në telefonatë. “Koha për të rritur presionin.”
Sondazh
Lexo gjithashtu
