525 persona të dyshuar si trafikantë droge kanë rënë në prangat e policisë turke në Ankara ndërsa janë sekuestruar asete me vlerë rreth 400 milionë dollarë.
Ministri i Brendshëm i Turqisë, Ali Yerlikaya e ka quajtur si operacionin më të madh kundër narkotikëve në historinë e vendit.
Në operacion morën pjesë mijëra efektivë të policisë, u përdorën qen për drogën, helikopterë si dhe u kontrolluan rreth 626 adresa, tha Ministri i Brendshëm.
Sipas raportimeve personat e arrestuar dyshohet se shisnin drogë përmes rrjeteve sociale. Mediat turke bëjnë me dije se personat e arrestuar janë hetuar nga autoritetet për 6 muaj.
Sakaq, operacioni është shtrirë kohët e fundit edhe në Europë ku në fokus ishin rrjetet e trafikut të drogës dhe pastrimit të parave.
Në operacionin e zhvilluar nga Europol u prangosën 230 persona në Holandë, Turqi, Gjermani, Spanjë dhe Belgjikë.
Sondazh
Lexo gjithashtu
