
Sipas marrëveshjes së armëpushimit, Hamasi pritet që t’i dorëzojë Izraelit emrat e katër pengjeve që do të lirohen të shtunën. Ky është këmbimi i dytë që do të bëhet, ndërsa në këmbimin e parë tre pengje dhe 90 të burgosur u liruan.
Nga këto pengje mësohet se ato që do të lirohen janë vetëm femra dhe mendohet se do të jenë ushtarë dhe civilë. Lirimi i tyre do të bëhet në këmbim të 180 të burgosurve palestinezë të mbajtur në Izrael.
Rikujtojmë se marrëveshja e armëpushimit u arrit pas shumë muajsh negociatash indirekte midis Izraelit dhe Hamasit, të udhëhequra nga SHBA, Katari dhe Egjipti dhe do të zbatohet në tre faza, me fazën e dytë që do të fillojë gjashtë javë pas armëpushimit. Armëpushimi synon të çojë në një fund të përhershëm të luftës në Gaza.