Luigi Mangioni, 26 vjeç është autori i dyshuar i vrasjes së drejtorit ekzekutiv të një gjiganti të sigurimeve shoqërore amerikane.
I riu akuzohet për veprat penale si: vrasje, armë dhe falsifikim, sipas dosjes, së publikuar nga The New York Times dhe CNN.
“Anëtarët e Departamentit të Policisë Altoona, 500 kilometra në perëndim të Nju Jorkut, arrestuan 26-vjeçarin për posedim të armëve të zjarrit. Në këtë kohë, ne besojmë se ky është personi që po kërkojmë në vrasjen e shënjestruar dhe të urryer të Brian Thompson , CEO i United Healthcare", tha Jessica Tice, drejtore e Departamentit të Policisë së Nju Jorkut, gjatë një konference për shtyp, me Kryebashkiaku Eric Adams.
Mangioni lindi dhe u rrit në Maryland, ndoqi kolegjin në Pensilvani, kishte lidhje me San Francisko dhe së fundmi jetoi në Honolulu, thanë zyrtarët.
Më herët mediat amerikane raportuan se burri po merrej në pyetje nga policia lokale, pasi iu gjet i njëjti lloj arme e përdorur në vrasjen e Thomson.
Në orët e para të së mërkurës, vrasësi iu afrua Thompson, 50 vjeç dhe e qëlloi atë me gjakftohtësi në mes të rrugës, përpara kalimtarëve, jashtë një hoteli në Manhattan.
Sondazh
Lexo gjithashtu
