Një aksident tragjik ka ndodhur në verilindje të Gjermanisë, ku një autobus me 13 pasagjerë ka dalë nga rruga duke shkaktuar dy viktima dhe disa të plagosur. Ngjarja u raportua të ketë ndodhur në një dalje të autostradës A11, pranë një parkingu në afërsi të Prenzlau, jo larg Berlinit.
Sipas burimeve policore, dy persona kanë humbur jetën, një grua 29-vjeçare dhe një burrë 48-vjeçar, ndërsa katër të tjerë janë në gjendje të rëndë. Gjithashtu, shtatë persona kanë pësuar lëndime të lehta. Shkaku i aksidentit mbetet i paqartë, megjithëse kushtet e motit dyshohen si faktorë të mundshëm. Nuk ka të dhëna për përfshirjen e mjeteve të tjera.
Autobusi i përkiste kompanisë Flixbus dhe po udhëtonte nga Berlini drejt qytetit Szczecin në Poloni, një distancë prej rreth 150 kilometrash. Përfaqësues të kompanisë konfirmuan se në bord ndodheshin pasagjerët dhe një shofer, ndërsa autoritetet vijojnë hetimet për të zbardhur rrethanat e aksidentit.
Sondazh
Lexo gjithashtu
