Një aksident i rëndë ka tronditur qytetin e Strasburgut, ku dy tramvaje janë përplasur, duke shkaktuar të paktën 30 të plagosur. Ngjarja ka ndodhur pranë stacionit qendror, duke shkaktuar kaos dhe frikë mes pasagjerëve.
Dëshmitarët raportojnë se pasagjerët u përpoqën të çanin dyert për të dalë nga vagonët e dëmtuar. Deri tani, pesë persona ndodhen në gjendje kritike, ndërsa autoritetet nuk e përjashtojnë mundësinë e viktimave të tjera.
Nga hetimet paraprake dyshohet se përplasja ndodhi pasi një nga tramvajet devijoi nga korsia e tij dhe goditi një tramvaj tjetër që po qëndronte në stacion.
Njësitë e zjarrfikësve dhe ekipet e shpëtimit janë angazhuar në një operacion të madh për të ndihmuar të plagosurit dhe për të liruar zonën. Banorëve u është bërë thirrje të shmangin lëvizjet në afërsi të vendit të aksidentit për të mos penguar shërbimet e emergjencës.
Sondazh
Lexo gjithashtu
