
Një aksident tragjik hekurudhor është regjistruar këtë të mërkurë në Bullgari.
Në aksident janë përfshirë dy tren mallrash, dhe kanë mbetur të vdekur në vend dy persona, ndërsa 6 të tjerë kan mbetur të lëndur. Aksidenti ndodhi rreth orës 16:00 në periferi Kremikovtsi të kryeqytetit bullgar.
Lyubomir Nikolov, kreu i departamentit të punëve të brendshme u tha gazetarëve se në bordin e dy trenave ndodheshin në total 8 persona, dt prej të cilëve mbetën të vdekur.
Pas përplasjes, njëri nga dy trenat ka shpërthyer në flakë.
Në deklaratë, kreu i departamentit të punëve të brendshme sqaroi se trenat po lëviznin në të njëjtën linjë, ndoshta për shkak të një gabimi në menaxhimin e trafikut. Sipas tij, njëri tren bartte metale dhe tjetri mobilje.