Në 26 prill 1986, ndodhi një shpërthim në reaktorin e energjisë bërthamore në Çernobil, duke ndryshuar përgjithmonë historinë e këtij qyteti. Shpërthimi u shkaktua gjatë një eksperimenti, ku zjarri u përhap me shpejtësi duke shpërndarë dhe materialet radioaktive në ajër.
Fillimisht u tentua të mbahej e fshehur nga qeveria. Por, pasojat ishin katastrofike. 30 persona vdiqën menjëherë dhe shumë të tjerë humbën jetën më vonë prej ekspozimit ndaj niveleve të larta të radioaktivitetit. Autoritetet u përballën me një sfidë të jashtëzakonshme për të menaxhuar situatën.
Menjëherë u ndalua udhëtimi drejt Çernobilit dhe u evakuan të gjithë banorët e këtij qyteti, veçanërisht ata të zonës së ndikuar. Më pas u ndërtua një strukturë për të mbuluar reaktorin e shpërthyer, e njohur ndryshe si “sarkofagu”. Dalëngadalë kjo strukturë u dobësua dhe në 2016-tën ka përfunduar projekti i ri që e ka zëvendësuar.
Gjatë viteve të pasuksesshme, u kryen edhe punime për shkarkimin e elementëve radioaktivë dhe pastrimin e zonës. Megjithatë, zona e Cernobilit mbetet ende e ndaluar për njerëzit dhe përmban nivele të larta të radioaktivitetit. Përveç efekteve fizike, ndikimi emocional dhe psikologjik i aksidentit ka qenë gjithashtu shumë i madh për komunitetet lokale dhe për njerëzit në përgjithësi
Ndikimi i saj shëndetësor dhe ambiental ishte i jashtëzakonshëm, ndërsa ka lënë një trashëgimi të përjetshme për sigurinë bërthamore. Pas 38 vjetësh, Cernobili mbetet një përkujtim i tmerrshëm i pasojave të mundshme të energjisë bërthamore.
Sondazh
Lexo gjithashtu
