Hapësire reklamuese

Aktualitet

Bordi i Transparencës ul sërish çmimin e naftës, zbret me 1 lekë litri i benzinës

Shkruar nga Newsbomb
Bordi i Transparencës ul sërish çmimin e naftës, zbret me

Bordi i Transparencës ditën e sotme ka vendosur sërish çmimet e reja me të cilat do të tregtohen karburantet në vendin tonë.

Pas vendimit  të djeshëm ku litri i naftës u la të shitej me 255, ditën e sotme ka vensosur që një litër naftë të tregtohet me 249.

Ndërsa, sa i përket benzinës, duke filluar nga sot në orën 18:00, një litër nuk do të mund të shitet me më shumë se 242 lekë/ liter, ndërsa gazi do të vijojë të shitet me 83 lekë/litri.

Bordi i Transparencës në datë 29 Qershor 2022, në mbledhjen e radhës vendosi:

Çmimi i shitjes me pakicë i nënproduktit gasoil i standardit SSH EN 590 të  jetë jo më shumë se 249 lekë/litri, ndërsa i shitjes me shumicë jo më shumë se 237 lekë/litër.

Çmimi i shitjes me pakicë i nënproduktit benzinë e standardit SSH EN  të  jetë jo më shumë se 242 lekë/litri,ndërsa i shitjes me shumicë jo më shumë se 230 lekë/litër.

Çmimi i shitjes me pakicë i nënproduktit gaz, të jetë 83 lekë/litri me pakicë dhe i shitjes me shumicë 71 lekë/litër për automjetet.

( Shënim: çmimi i shitjes për gazin e lëngshëm të automjeteve do të jetë çmimi i furnizimit në stacionet e furnizimit në pikat e karburanteve, ndërkohë që në pikat e tjera për konsumatorët familjarë dhe industrial çmimi nuk duhet të përfshijë akcizën).

Çmimet e caktuara nga Bordi do të hynë në fuqi sot datë 29 Qershor ora 18.00 p.m dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Tërheqim vëmendjen e çdo operatori të shitjes me shumicë dhe pakicë të nënprodukteve të naftës mbi detyrimin e zbatimit të këtëj vendimi.

Në rast të shkeljeve të konstatuara nga operatorë të ndryshëm do të vendoset pezullimi i aktivitetit.

Jemi në monitorim të vazhdueshëm të ecurisë së bursave, me qëllim reagimin sa më të shpejtë.

Sondazh

Poll

Lexo gjithashtu