Hapësire reklamuese

Politikë

Blushi për Bashkim Finon: Të gjithë kështu thonë kur të sulmojnë, “E kam mik”

Shkruar nga Newsbomb

Deputeti Ben Blushi ka deklaruar sot në një intervistë për gazetarin Babaramo se ministrat e qeverisë “Rama” janë bërë qesharakë.

Sipas Blushit, ata nuk po bëjnë punën e tyre, por rendin se kush i pari të mbushë sallat me njerëz për mitingjet e Ramës, që garon kundër vetes për kreun e PS-së.

“Këtu ke frikë të kërkosh punë. Janë futur të gjithë në fushatë për mbledhur sa më shumë njerëz për mitingjet e Ramës. Më vjen për të qeshur se janë bërë ministrat qesharakë. Dalin e thonë gjëra që nuk i besojnë”, tha Blushi.

Ai gjithashtu i ktheu edhe një përgjigje Bashkim Finos, i cili kishte kritikuar Blushin dhe kishte dalë pro Ramës.

“Unë nuk kam bërë asnjë konsultë me Finon. Të gjithë këta kështu thonë kur duan të sulmojnë: E kam mik. Por këta vuajnë nga komplekse. Më tha mua pse nuk shqetësohesh se statuti zbatohet për zgjedhjet e delegatëve dhe shqetësohesh se statuti nuk zbatohet për zgjedhjen e kryetarit. Kjo nuk qëndron”, tha Blushi.

Sondazh

Poll

Lexo gjithashtu