Një aksident vetëm me dëme materiale ka ndodhur në rrugën Gjirokastër-Sarandë, në vendin e quajtur Qafa e Muzinës. Mësohet se në përplasje është përfshirë një kamion i tonazhit të rëndë dhe një makinë e vogël.
Fatmirësisht, nga aksidenti nuk ka persona të lënduar por vetëm dëme materiale në dy mjetet.
Shoferët kanë nisur të debatojnë me njëri-tjetrin dhe kanë dalë nga mjetet, duke bërë që qarkullimi në këtë aks të bllokohet. Asnjë prej të dyve nuk pranon fajin dhe drejt vendngjarjes është nisur Policia. Shoferët e tjerë kanë fikur mjetet dhe janë në pritje të zgjidhjet së situatës.