Aeroporti Ndërkombëtar “Nënë Tereza” prej ditës së djeshme ka ndaluar të gjitha fluturimet sepse kontrollorët janë në grevë dhe janë vetëdeklaruar si “të paaftë” për të vazhduar punën.
Ata kërkojnë rritje të pagave që u janë përgjysmuar që kur nisi pandemia, 1 vit më parë. Nga 4.400 dollarë në muaj, ata sot marrin afërsisht 2.400. Qeveria e konsideroi grusht shteti dhe prej mbrëmjes së djeshme kontrollin e Rinasit e ka marrë Policia dhe Ushtria.
Kontrollorët nuk pranojnë të kthehen në punë, ndërsa Rama u ka lënë një ultimatum, që nëse sot nuk paraqiten në punë, asnjë prej tyre nuk do të ketë vend në vazhdim në AlbControl. Mbetet të shihet sot se çfarë do të vendosin kontrollorët dhe Qeveria.
Edhe Presidenti Meta ka bërë thirrje që kontrollorët të kthehen në detyrë, ndërsa Qeveria duhet të dëgjojë kërkesat e tyre. Opozita nga ana tjetër akuzon kryeministrin Rama se e ka krijuar vetë këtë situatë.