Plot 52 kamionë me mallra që duhet të ishin nisur sot drejt Italisë janë bllokuar në Portin e Durrësit.
Shkak janë bërë vonesat gjatë kontrolleve me skaner në këtë port ndërsa trageti është nisur drejt Ankonës në orën 16:00. Dyshohet se skaneri ka pasur probleme.
Policia Kufitare thotë se kamionët nuk mund të kalojnë pa u skanuar ndërsa shkak i bllokimit është bërë mos kryerja e procedurës së verifikimit me skaner në kohë.
Shoferët e kamionëve shprehin shqetësimin se mund të mbeten të bllokuar edhe gjatë ditës së nesërme. Ata kanë protestuar të revoltuar duke bllokuar hyrjen ndërsa në vendngjarje ka mbërritur edhe policia.