Tërmeti i djeshëm i ka mërzitur dhe tronditur të gjithë.
Por duket se një biznes në veçanti është duke përfituar nga situata kaotike e ditës së djeshme, dhe është ai i xhamave.
Që në orët e mëngjesit nëpër Tiranë shfaqen makina që janë duke vendosur xhama, sidomos xhama të mëdhenj në katet e para apo të dyta të ndërtesave, aty ku ka pasur edhe biznese.
Nga tërmeti i djeshëm, edhe pse ka pasur çarje, plasaritje të pallateve dhe sidomos është ndjerë në pallatet që kanë pasur shtesa katesh lart apo anësore, duket se tërmeti ka tronditur me thyerjen e xhamave.
Pas përfundimit të lëkundjeve që kanë zgjatur edhe gjatë natës, në zona kryesore Durrës dhe Tiranë, bilanci ka rezultuar me thyerje masive të xhamave. E sot, bizneset e xhamave në Shqipërinë e mesme, janë ato që po lulëzojnë.