Deputetja e PL, Monika Kryemadhi ka reaguar pas lajmeve në media se se inceneratorët kanë paguar bileta avioni për zyrtarët e shtetit.
Ajo me anë të një postimi në rrjetet sociale ka ngritur edhe pyetjen nëse 800 mln lekët që ka harxhuar inceneratori i Tiranës për udhëtime a është financuar ndonjë fluturim VIP?
“Qenkan mbushur mediat me lajme se inceneratorët kanë paguar bileta avioni për zyrtarët e shtetit. Po 800 milionë lekët që ka harxhuar inceneratori i Tiranës për udhëtime, kanë financuar ndonjë fluturim VIP, për ndonjë ministër dhe deputet Rilindas, apo për shoqërueset e tyre?” shkruan Kryemadhi në postimin e saj.
Kujtojmë që ditën e sotme u zbardhën dhe disa udhëtime të të akuzuarve që janë paguar nga pronari i inceneratorëve, Klodian Zoto.