Hapësire reklamuese

Politikë

“Beteja ime nis sot”, Edith Harxhi thirrje Bashës: Po pengohen demokratët të votojnë se nuk kanë qenë aktivë në fushatë, nuk është normale

Shkruar nga Newsbomb
“Beteja ime nis sot”, Edith Harxhi thirrje Bashës: Po pengohen

Edith Harxhi kandidate për kryetare të Partisë Demokratike, pak minuta më parë ka votuar në njësinë numër 5.

Në një deklaratë për mediat ajo u shpreh se të gjithë demokratet të marrin pjesë në votim, pasi vota e tyre është tepër e rëndësishme për ndryshimin e kësaj partie.

Harxhi gjithashtu i ka bërë thirrje Bashës pasi shumë anëtarë të PD janë penguar për të votuar me pretendimin se nuk kanë qenë aktivë në fushatë.

E pyetur nëse humbet këto zgjedhje a do të vijojë të jetë aktive në politikë, Harxhi tha se “beteja ime fillon sot”.

“PD është një aset, është një pasuri kombëtare, sot është dita e demokratëve, uroj shumë që të ketë një pjesëmarrje masive, pasi ne sot votojmë reformimin e PD-së. Absolutisht që mendoj se në radhë të parë do të fitojnë demokratët, jam e sigurt që vota e tyre do të jetë për ndryshimin.

Unë dua të bëj një thirrje për zotin Basha, demokratët duhet të jenë në lista, janë penguar themelues të PD-së që të votojnë, me pretendimin se nuk kanë qenë aktiv në fushatë. Kjo nuk është normale, ndryshimi ynë do të sjellë votën e hapur për të gjithë shqiptarët, beteja ime fillon sot. Absolutisht që unë do të vazhdoj aktive edhe pas 30 vitesh, ju thashë që beteja ime fillon sot”, tha ajo.

Sondazh

Poll

Lexo gjithashtu

Hapësire reklamuese