Tirana
broken clouds
24 ° C
24 °
24 °
35 %
4.1kmh
75 %
Hën
23 °
Mar
22 °
Mër
23 °
Enj
18 °
Pre
19 °
E hënë, 17 Maj, 2021
spot_img

Besa Shahini: Të dielën do të shkoj në Tiranë për të votuar Partinë Socialiste, kam kritika por është opsioni më i mirë për Shqipërinë

spot_img

Lajme të ngjashëm

Ish-minsitrja e Arsimit Besa Shahini, lajmëron se të dielën do të vijë në Tiranë për të votuar në zgjedhjet e 25 prillit, pikërisht partinë së cilës i shërbeu për tre vite, Partisë Socialiste.

“Të dielën do të shkoj në Tiranë për të votuar Partinë Socialiste, grupin politik me të cilin shërbeva për tre vite në qeverinë e Republikës së Shqipërisë. Kritikat e mia për PS-në qëndrojnë ende: PS duhet dhe mundet të jetë më e mirë, më e majtë, më e drejtë. Por, gjithashtu qëndron se sot PS vazhdon të jetë opsioni më i mirë për Shqipërinë”, shkruan Shahini.

Ish-ministrja dha dorëheqjen nga detyra në muajt e fundit të vitit 2020 dhe në vend të saj kryeministri Rama emëroi socialisten Evis Kushi. Më poshtë, Besa Shahini tregon se cilat janë të preferuarat e saj nga radhët e PS.

Shënimi i plotë i Besa Shahinit:

Të dielën do të shkoj në Tiranë për të votuar Partinë Socialiste, grupin politik me të cilin shërbeva për tre vite në qeverinë e Republikës së Shqipërisë. Kritikat e mia për PS-në qëndrojnë ende: PS duhet dhe mundet të jetë më e mirë, më e majtë, më e drejtë. Por, gjithashtu qëndron se sot PS vazhdon të jetë opsioni më i mirë për Shqipërinë.

Po të mund të votoja jashtë qarkut tim, do i jepja votën time Lindita Nikollës në Lezhë, e cila reformën në arsim e ka shtyrë përpara me kurajo e shumë sacrifice dhe duke punuar për Lezhën paralelisht, pa u ndalur.

Do të kisha votuar për Milva Ekonomin në Durrës që si deputete u përfshi totalisht në përpjekjet tona për të ndihmuar qytetarët e prekur nga tërmeti, duke kontribuar me punën dhe ekspertizën e saj.

Apo Anila Denajn në Vlorë, e cila me kokë të ftohtë dhe pasion në zemër, drejtoi suksesshëm sfidat marramendëse financiare me të cilat u ballafaquam kur pandemia filloi menjëherë pas tërmetit që shkaktoi dëme mbi 1 miliard Euro.

Do të votoja edhe shumë gra të tjera të cilat kanë treguar qëndrueshmëri, vendosmëri dhe dashuri të madhe për Shqipërinë. Të dashura shoqe, ju uroj sukses të dielën!

spot_img

Më shumë

spot_img
spot_img