Ish-kandidati Bernie Sanders ka mbështetur publikisht Hillary Clinton në garën për presidente të Shteteve të Bashkuara të Amerikës.
Gjatë një takimi në Portsmouth, New Hampshire, Sanders është shfaqur në krah të Clinton duke e konsideruar atë si zgjedhje ne duhur për Amerikën. Ai ka vlerësuar lartë figurën e ish-sekretares së Shtetit, ndërsa shprehu besimin e tij në programin e kandidates demokrate.
Kjo është një tjetër mbështetje e madhe për Clinton pas fjalëve të presidentit Barack Obama, i cili pak ditë më parë u bëri thirrje amerikanëve të votonin ish-Zonjën e Parë si zëvendësuese të tij në Shtëpinë e Bardhë.
Hillary Clinton do të ketë përballë në garën presidenciale kandidatin republikan Donald Trump.