Kryetari i Partisë Demokratike Sali Berisha, ka reaguar së fundmi për përjashtimin 10 ditor që iu bë nga parlamenti.
Ai është shprehur se nuk ka ndërmend ta lëshojë parlamentin, dhe se Partia Demokratike do të jetë gjithmonë aty për të mbrojtur interesat e shqiptarëve. Berisha ndër të tjera tha se PD do të bëjë çdo sakrificë për të mbrojtur votën e tyre.
“Ne nuk e lëshojmë parlamentin, do bëjmë betejë në parlament dhe të bindim çdo shqiptar se aty jemi të gatshëm për çdo sakrificë për të mbrojtur votën e tyre. Nuk e lëshojmë ne parlamentin, le të marrin çdo masë, le të sillen si të duan. Ne aty do mbrojmë interesat e kombit shqiptar. Ndaj dhe ta harrojnë ata se përjashtuan 5, po ju jeni të tjerë sa 15 më shumë.
Të përgatitet Rama se lojërat me Alibashën, se keqpërdorimi i Lindës nuk do ia zgjidhin dot problemet atij. Ai parlament ka parë të gjithë llojet e kryetarëve, por kurrë si ajo nuk ka ekzistuar aty”, deklaroi Berisha.