Sali Berisha ka mbledhur sot kryesinë e Partisë Demokratike, menjëherë pas takimit me aleatin e tij, kreun e Partisë së Lirisë, Ilir Meta.
Gjatë fjalës së tij në nisje të mbledhjes, Berisha vlerësoi procesin e primareve për kandidatët për kryebashkiakë, duke u shprehur se ky proces “ka tronditur Edi Ramën”.
Procesin e primareve, Berisha e ka quajtur si “pasaporta e hapjes dhe ndryshimti të PD-së”.
“Një proces që ka tronditur thellë Edi Ramën dhe grupin e tij mafioz. Që në vend të rregullave të partisë ka vendosur në partinë e tij rregullat e bosit të mafies që vendos dhe shkarkon vetë për gjithçka dhe nuk ekziston vota e lirë.
Ne po shkojmë tani në zbatimin e atyre që i kemi sanksionuar në statut, hapjen e partisë me primare, garantoj që do ketë dhe gara të tjera, jo vetëm primaret. Ka një fluks intelektualësh.”, tha ndër të tjera Berisha.