Kryetari i sapozgjedhur i Partisë Demokratike, Sali Berisha, ka mbërritur në Parlament, ku jashtë godinës është bashkuar me protestuesit, të cilët kërkojnë të mos votohet ligji për Parkun e Butrintit.
Ai ëhstë shprehur se ajo që po bëhet me Butrintin është abuzimi dhe shpërdorimi më i madh që i bëhet kësaj pasurie kombëtare, teksa shtois e nuk do ta lejojë Edi ramën të sillet sikur Butrintin ta kishte plaçkën e babait apo kolegëve.
“Është abuzimi më madhor dhe më i tmerrshëm, shpërdorimi më i madh që i bëhet pasurisë kombëtare, vlerave të mëdha historike, kultutore, biodiversitetit të jashtëzakonshëm të asaj zone, shtratit nënujor i pasur me gjetje arkeologjike nga më të çmuarat. Ruajtja e Butrintit është imperativ për çdo shqiptar. Edi Rama nuk do mundet të sillet me Butrintin sikur të ishte plackë e kolegëve apo baballarëve të tij. Është pronë e shqiptarëve, një nga pasuritë më të çmuara për shqiptarët. Ata që kanë parashikuar shpërbërjen e parkut, ata kanë kryer një akt korruptiv të pashembullt.
Do përdor gjithë zërin tim kundër këtij projekti shkatërrimtar për një pasuri përrallore të kombit shqiptar, qoftë arkeologjike apo histroike”, tha Berisha.