Një 32-vjeçar italian është gjobitur me 40 mijë pasi është filmuar duke bërë drift në qenër të qytetit të Burrelit. Pas ngjarjes ai është shoqëruar në Komisariat, bashkë me automjetin e tij.
“Bazuar në disa pamje filmike në të cilat shfaqet një automjet me targa italiane, duke kryer manovra të rrezikshme (drift), në qytetin e Burrelit, shërbimet e Komisariatit të Policisë Mat dhe ata të Policisë Rrugore kanë kryer veprimet për identifikimin dhe ndëshkimin e drejtuesit të automjetit.
Drejtuesi i automjetit, shtetasi E.H., 32 vjeç, banues në Itali, është shoqëruar në Komisariat, bashkë me automjetin e tij.
Në vijim të veprimeve, nga specialistët e Policisë Rrugore i'u vendos masa administrative 40 000 lekë, bazuar në nenin 139 të Kodit Rrugor”, njofton policia.
Sondazh
Lexo gjithashtu
