Një aksident ka ndodhur këtë paradite në afërsi të fshatit Kumarak në Këlcyrë, ku një mjet tip “Benz” ka humbur kontrollin dhe ka dalë nga rruga.
Si pasojë e aksidentit është plagosur shoferi dhe tre pasagjerët, të cilat janë transportuar në spitalin Rajonal Gjirokastër për të marrë ndihmën e parë.
Në vendngjarje ndodhet grupi hetimor i cili po punon për zbardhjen e shkaqeve të aksidentit.
Këlcyrë/Informacion paraprak:
Në rrugën rurale të fshatit Kumarak, Këlcyrë, automjeti tip “Benz”, me drejtues shtetsin B. H., banues në fshatin Shalës, Tepelenë, ka dalë nga rruga.
Për pasojë është dëmtuar drejtuesi i automjetit shtetasi B. H. dhe 3 pasagjerët që ndodheshin në automjet, të cilët po transportohen në spitalin Rajonal Gjirokastër për të marrë ndihmën mjekësore.
Në vendngjarje ndodhet grupi hetimor dhe po punon për zbardhjen e shkaqeve të aksidentit.