Zbardhen 4 vjedhje banesash, të ndodhura gjatë muajve të fundit në qytetin e Kavajës dhe vihet në pranga hajduti.
Blutë bëjnë me dije se është arrestuar shtetasi me iniciale B. A., 29 vjeç, banues në Luz të vogël të Kavajës.
Ky person, muajt e fundit në qytetin e Kavajës ka vjedhur në 4 banesa, në të cilat ka marrë vlera monetare, bizhuteri dhe orendi të ndyshme shtëpiake.
Kavajë/ Njoftimi i policisë:
Zbardhen 4 vjedhje banesash, të ndodhura gjatë muajve të fundit në qytetin e Kavajës.
Zbardhja pas një pune hetimore me metoda speciale të hetimit.
Finalizohet operacioni policor i koduar "Shëtitësi 1"
Në pranga 29 - vjeçari i cili kryente vjedhje banesash të ndryshme.
Në vijim të punës për parandalimin e vjedhjeve, zbardhjen e atyre të ndodhura më parë, kapjen dhe arrestimin e autorëve, shërbimet e Policisë të Komisariatit Kavajë, nën drejtimin e Prokurorisë, pas një pune të bërë me metoda speciale të hetimit, organizuar dhe finalizuan operacionin "Shëtitësi 1", ku u bë e mundur zbardhja e 4 rasteve të vjedhjes së banesave të mdryshme në Kavajë.
Si rezultat i operacionit u bë ndalimi i shtetasit: B. A., 29 vjeç, banues në Luz të vogël Kavajë.
Nga veprimet hetimore të kryera dyshohet se ky shtetas muajt e fundit në qytetin e Kavajës ka vjedhur në 4 banesa , në të cilat ka vjedhur vlera monetare, bizhuteri dhe orendi të ndyshme shtëpiake.
Materialet procedurale do t'i referohen Prokurorisë për veprime të mëtejshme për veprën penale “Vjedhja” në ngarkim të B. A