Andis Harasani, ish-deputet i Partisë Socialiste bën një deklaratë të fortë lidhur me marrëveshjen Rama-Basha. Sipas tij, edhe listat e PD-së janë të diktuara nga kryeministri në funksion të kësaj marrëveshjeje.
“Sigurisht që listat ishin rezultat i drejtpërdrejtë i marrëveshjes Rama-Basha. Rama nuk i le asnjë detaj rastësisë dhe këtë e tregon si largimi i figurave me peshë nga listat e PD, po ashtu dhe futja e disa personave shumë pranë Ramës në listat e PD”, ka thënë Harasani në intervistë për AFP.
Andis Harasani ka vlerësur gjithashtu vlerëson negativisht si mazhorancën e majtë, edhe opozitën e djathtë, duke e cilësuar marrëveshjen ndërmjet Ramës dhe Bashës si “shitja e kujtdo dhe gjithë çfarë për të ruajtur karrigen”. Sipas Harasanit, Berisha, Nano dhe Meta, kanë disa norma morale që nuk i kalojnë kurrë, ndërsa Rama i ka këto korniza virtuale.