Tirana
light rain
14.5 ° C
14.5 °
14.5 °
44 %
1kmh
40 %
Enj
13 °
Pre
11 °
Sht
10 °
Die
7 °
Hën
7 °
E enjte, 2 Shkurt, 2023

BE miraton çmimin tavan për naftën ruse, 60 dollarë për fuçi

spot_img

Lajme të ngjashëm

Bashkimi Europian ra dakord të vendoste një tavan për naftën ruse, 60 euro për fuçi, pas një maratonë bisedimesh, duke miratuar një propozim që ishte avancuar nga grupi G7 për të ulur të ardhurat e Moskës që instrumentalizon çështjen e energjisë.

Lajmi u bë i ditur nga diplomati polak Andrzej Santos dhe evropianë të tjerë të përfshirë në bisedime. Diskutimet për tavanin e naftës ruse zgjatën më shumë se një javë.

Embargoja ndaj importeve të naftës ruse do të fillojë më 5 dhjetor.

Çmimi prej 60 dollarësh për fuçi është pak më i ulët se ai që paguajnë blerësit e mëdhenj të naftës ruse si Kina dhe India, por nuk do të zbatohet nëse blerësit dërgojnë dhe sigurojnë ngarkesat për kompanitë nga vendet jashtë bllokut që ajo vendosi.

Vihet re gjithashtu se BE-ja njoftoi këtë javë sanksione që prekin ekonominë ruse si dhe individët.

Çfarë do të thotë vendosja e një tavani për çmimin?

Plani i kufirit do të ndalonte transportin e naftës ruse nga deti dhe shërbimet e kërkuara për të, të tilla si ndërmjetësimi, ndihma financiare dhe sigurimi, nëse ngarkesat blihen mbi pragun e çmimit të rënë dakord.

Shumica e vendeve të G7 do të ndalojnë importin e naftës së papërpunuar ruse deri në fund të vitit.

Kufizime të ngjashme, duke përfshirë një kufi çmimi, për produktet e tjera të naftës pritet të vendosen në shkurt.

Putin kërcënon me ‘pasoja të rënda’

Presidenti rus ka paralajmëruar se do të ketë “pasoja serioze” nëse vendoset një tavan mbi çmimin e naftës ruse, pasi shumë vende përgatiten të shpallin vendimin e tyre për këtë çështje.

“Veprime të tilla janë në kundërshtim me parimet e marrëdhënieve tregtare dhe ka të ngjarë të çojnë në pasoja të rënda për tregun ndërkombëtar të energjisë,” tha Putin në një telefonatë me kryeministrin irakian.

Sipas deklaratës së Kremlinit, të dy udhëheqësit diskutuan “përpjekjet e një numri vendesh perëndimore për të vendosur kufizime në çmimin e naftës së papërpunuar ruse”.

Bashkimi Evropian dhe Shtetet e Bashkuara kanë intensifikuar përpjekjet e tyre ditët e fundit për të arritur një marrëveshje për çmimin maksimal të naftës ruse që ata importojnë.

Më shumë


spot_img









spot_img