Ferdinand Xhaferaj, kreu i PD-së së Durrësit mësohet se është tërhequr nga gara për anëtarët e Kryesisë së kësaj force politike, në mbledhjen që do të mbahet sot, ku do të zgjidhet dhe Këshilli i ri Kombëtar.
Publikimi i ekipit të ri të bashkëpunëtorëve të ngushtë të Bashës në vitet në vijim në PD duket se kanë dhënë një mesazh të qartë në bazë mbi kursin që do të ndjekë partia tani e tutje. Nisur nga emrat që përbëjnë këtë ekip, duket se PD po ndjek një kurs përplasjeje me amerikanët, ç’ka ka shqetësuar jo pak personazhet brenda saj që njihen për qasjen pro SHBA, të cilët kanë filluar të lëvizin.
Abc Neës ka mësuar se dhe Xhaferaj ishte mes 45 demokratëve që do të kandidonin për Kryesinë, por sipas burimeve nga PD, ai ka njoftuar mbrëmë që emri i tij të hiqet nga lista. Krahas tij, mbrëmë dhe sot paradite në PD kanë ardhur edhe mesazhe nga zona të tjera për rrugëtimin problematik që sipas tyre po ndjek partia.
Vetë Ferdinand Xhaferaj kërkon distancohet nga një PD që po shkon drejt përplasjes me SHBA-të. Edhe më herët, ai ka mbajtur një qendrim të vazhdueshëm pro SHBA-ve, ndërsa në episodin e fundit të zgjedhjeve të Durrës i kujtoi Vangjush Dakos se ishte “non grata” nga Departamenti i Shtetit.