Hapësire reklamuese

Aktualitet

Bashkia ndërhyn te pallatet e dëmtuara te 'Shallvaret', Veliaj: Po punohet për të shmangur çdo rrezik

Shkruar nga Newsbomb

Shërbimi zjarrfikës në bashkëpunim edhe me ekspertë të ndërtimit nga Bashkia e Tiranës po ndërhyjnë nëpër pallate për sigurimin e godinave dhe evitimin e aksidenteve. 

Ditën e sotme, ekipi i zjarrfikësve ka qenë tek pallatet e njohura si Shallvaret ku po heqin tjegullat e tullat e oxhaqeve që rrezikonin jetën e kalimtarëve. Teksa ka postuar fotot nga heronjtë e heshtur të kryeqytetit që kanë qenë në gatishmëri 24 orë gjatë këtyre ditëve, kryebashkiaku Veliaj i ka bërë apel qytetarëve që të tregohen bashkëpunues dhe të zbatojnë udhëzimet e uniformave bashkiake.

‘Te Shallvaret e vjetra po punohet për të hequr me dorë çdo tjegull e tullë të oxhaqeve të amortizuara dhe për të shmangur çdo rrezik për banorët e kalimtarët poshtë!

Ju lutem respektoni udhëzimet e uniformave bashkiake - siguria e para, pastaj të tjerat’, thekson Veliaj. Në të gjithë lagjet e kryeqytetit po hiqen me kujdes soleta, oxhaqe e panele të shkëputura nga tërmeti përpara se të rrezikojnë jetën e kalimtareve.

Lexo gjithashtu

Sondazh

Poll