Kryetari i PD-së, Lulzim Basha ka uruar të gjithë besimtarët myslimanë për muajin e shenjtë të Ramazanit.
Përmes një shënimi në rrjete sociale Basha lutet që ky muaj i shenjtë të na shërbejë dhe të na udhëheqë në rrugën e drejtë. Kreu i PD uron agjërim të lehtë dhe të pranuar për të gjithë.
Urimi i Bashës
Të dashur miq të besimit islam që nesër nisni agjërimin e muajit të shenjtë të Ramazanit, nga zemra ju uroj agjërim të lehtë dhe të pranuar!
Le të shërbejë ky muaj për të na udhëhequr në rrugën e drejtë dhe përmes sakrificës e lutjeve tona drejtuar Zotit, të ndërtojmë një jetë më të mirë për popullin tonë, me më shumë mundësi dhe gëzim për çdo familje shqiptare.
Agjërim të lehtë e të pranuar, dritë, shpresë dhe begati sjelltë ky muaj për ju, familjet tuaja dhe gjithë shqiptarët kudo që janë!
Sondazh
Lexo gjithashtu
