Kreu i PD, Lulzim Basha ka pritur në takim sot Ministrin për Europën dhe Çështjet Ndërkombëtare të Austrisë, Michael Linhart.
Basha me anë të një takimi në rrjetet sociale shkruan se i ka shprehur mirënjohjen për mbështetjen e çmuar dhe të kahershme të Austrisë për Shqipërinë, ne vecanti për integriin në BE.
Ai thotë se me ministrin ka ndarë prioritetet e Partisë Demokratike për garantimin e zgjedhjeve të lira dhe të ndershme, për luftën kundër krimit të organizuar dhe korrupsionit.
“Me kënaqësi prita Ministrin për Europën dhe Çështjet Ndërkombëtare të Austrisë ??, Z. Michael Linhart, të cilit i shpreha mirënjohjen për mbështetjen e çmuar dhe të kahershme të Austrisë për Shqipërinë ??, e në veçanti në përpjekjen tonë historike për integrimin në Bashkimin Europian ??.
Ndava me të prioritetet e Partisë Demokratike për garantimin e zgjedhjeve të lira dhe të ndershme, për luftën kundër krimit të organizuar dhe korrupsionit, për prerjen e lidhjeve të politikës me krimin, që për shumë gjatë e kanë penguar dhe vonuar rrugëtimin tonë drejt BE-së.
Jam i lumtur që me Ministrin dhe përfaqësuesin e simotrës tonë Partisë Popullore të Austrisë, bashkëndajmë bindjen se Bashkimi Europian është alternativa e vetme për rajonin, si dhe e sigurova se anëtarësimi i Shqipërisë në BE mbetet prioritet absolut i Partisë Demokratike, si garanci për ndërtimin e një të ardhmeje më të mirë për qytetarët shqiptarë ??” shkruan Basha në postimin e tij.