Basha takim me “500 socialistë të zhgënjyer” në Durrës, por në sallë s’ka më shumë se 100: Mos dëgjoni “tam tamet” e atij që i mbaron koha me 25 prill

Kreu i PD Lulzim Basha ka zhvilluar  një bashkëbisedim sot në qytetin e Durrësit “me 500 socialistë të zhgënjyer” siç i quan ai, por që në të vërtetë kjo shifër nuk korrespondon me atë ç’ka duket nga pamjet në video.

Në fjalën e tij Basha hodhi akuza mbi kryeministri Edi Rama, ku sipas tij ai dhe një grup oligarkësh kanë zhvatur pasurinë e shqiptarëvë.

Më tej ai shprehet se PD ka një plan konkret që siguron të ardhmen e fëmijeve shqiptarë, duke shtuar se Durrësi nuk është as i Vangjush Dakos dhe as i bandave, por i përket durrsakëve.

“Kaq shumë e kanë gërmuar hendekun e përçarjes në këto 8 vite. Gëzim në shpirtin tim që kur pashë këta dy patriotë që e kanë të shtrenjtë Durrësin. Rama dhe një grup oligrakësh janë bër bashkë për të zhvatur pasuritë e vendit. Një Durrës të lënë në mëshirë të fatit, ku pas termetit të zotit ra tërmeti i babëzisë së një grushti njerëzish.

Ata hanë 1 mijë dollarë darka bashkë tek Nusreti, por popullin  e lënë në mëshirë fatit. Ky nuk është Durrësi i Vangjush Dakos dhe e bandave, por Durrësi është i durrsakëve. Ju do të  bëni të mundur që të dielën të çlirojmë Durrësin nga bandat. Mos keni asnjë frikë, mos i dëgjoni tam tamet e atij që më 25 prill i mbaron koha.  Ne nuk kemi një tollumbace elektorale, por një plan konkret për të ardhmen e fëmijëve tuaj. Me 25 prill vijeni vulën, ju garantoj se unë do të jem kryeministri i gjithë shqiptarëve. Le ta thajmë moçalin e Rilindjes, ta çlirojmë Shqipërinë nga bandat e Rilindjes”, u shpreh Basha.