Ndryshe nga politikanët e tyre, kreu i Partisë Demokratike zyrtare Lulzim Basha ka zgjedhur të urojë festën e Pavarësisë në kullën e Isa Boletinit, e cila ndodhet në Mitrovicë, në Veri të Kosovës.
Në fjalën e tij, Basha tha se ka zgjedhur të festojë duke nderuar, Isa Boletinin komandantin e parë ushtarak të shtetit shqiptar dhe dorën e djathtë ku mbështetej Ismail Qemali dhe veprimtarët e tjerë që mundësuan pavarësinë e Shqipërisë.
“Gëzuar 28 nëntorin, ditën e pavarësisë së Shqipërisë, ditën e flamurit kombëtar.
Sot kemi zgjedhur ta festojmë këtë ditë nga një prej monumenteve më historike të kombit shqiptar, kulla e Isa Boletinit këtu në Boletin në veri të Kosovës.
Kemi zgjedhur ta festojmë duke nderuar një prej dy Isëve të mëdhenj, bashkë me Ismail Bej Vlorën, atin themelues të shtetit shqiptar, Isa Boletinin komandantin e parë ushtarak të shtetit shqiptar, dorën e djathtë ku mbështetej Ismail Qemali dhe veprimtarët e tjerë që mundësuan pavarësinë e Shqipërisë.
Fshati Boletin njihet për gurët e tij të mëdhenj, edhe Isa Boletini është një gur i madh në themelin e shtetit shqiptar.
Ai është një nga ata gurët që mbeten në ndërgjegjen tonë edhe si diçka për tu nderuar e krenuar, por edhe si paralajmërim për kundërshtarët e lirisë dhe pavarësisë të kombit tonë, se këta gurë qëndrojnë garanci e identitetit tonë kombëtar, e përkatësisë tonë evropiane, por të pavarura dhe me liri të pacenuara”, tha Basha.
Përveç Bashës, edhe presidentja e Kosovës, Vjosa Osmani zgjodhi të urojë ditën e Flamurit nga kulla e Isa Boletinit.
Sondazh
Lexo gjithashtu
